Kryeministri dhe kryetari Partisë Demokratike të Kosovës, HashimThaçi, ka vizituar sot Malishevën. Ai është takuar direkt me qytetarët, duke u shëtitur në rrugën kryesore të qytetit të Malishevës. Nga këtu, Thaçi, mori edhe njëherë mbështetjen e fuqishme të qytetarëve të Malishevës, për PDK-në dhe për kandidatin Kilaj, për kryetar të Malishevës.
Përveç kësaj kryeministri Thaçi, i ka uruar qytetarët e Malishevës, për festën e Kurban Bajramit. “Jam i kënaqur me mbështetjen, gjithnjë e më të madhe që kemi në Malishevë, për Partinë Demokratike të Kosovës dhe për Isni Kilajn, për kryetar të Malishevës. Programi i Partisë Demokratike të Kosovës dhe i Kilajt, për qeverisjen e mirë, e ka mbështetjen tonë, por sot po shihet se edhe qytetarët e Malishevës, e përkrahin këtë program”, tha mes tjerash Thaçi.
Edhe kryetari Kilaj, e ka falënderuar kryeministrin e vendit dhe kryetarin e PDK-së, Hashim Thaçin, për mbështetjen e vazhdueshme për Malishevën. “Mbështetja që po na jep kryeministri Thaçi, është mbështetje për projektet, përmes së cilave përfiton drejtpërdrejt qytetari”, tha Kilaj./PrizrenPress.com/