“Tirana Jazz and World Music Festival” starton sonte në Tiranë në edicionin e dytë të tij.
Me një pjesëmarrje artistësh të njohur, ky eveniment kësaj here do të mbledhë adhuruesit e muzikës jazz, në Pallatin e Kulturës, në datat 16-17-18 korrik, por edhe në Apolloni të Fierit.
Në një Tiranë thuajse bosh, pa aktivitete artistike në pikun e sezonit veror, do të ketë një plotësim të jetës artistike. Sipas drejtorit artistik të festivalit, Besim Petrela, festivali synon traditën, të jetë një event jazz ndërkombëtar, por është i rëndësishëm sepse në verë pothuajse nuk ka asnjë aktivitet në Tiranë.
Në edicionin e dytë të “Tirana Jazz and World Music Festal” në skenë do të paraqiten Gjon Guralumi, Ervin Dhimo me bandat respektove, ndërsa të huaj Cazova Duo, Enzo Rocco e Carlo Actis Dato, Amir Gwirtzman, Shawn and the Wolf, me muzikantët e tyre. Grupi shqiptaro-zviceran i Guralumit, tashmë i njohur në Zvicër do të shfaqet gjithashtu në Tiranë.