Kryetari i Prizrenit, Shaqir Totaj, ka pritur sot ambasadoren e Izraelit në Kosovë, Tamar Ziv.
Në këtë takim është diskutuar për mundësitë e bashkëpunimit në fushën e zhvillimit ekonomik, në kulturë e sport si dhe, me theks të veçantë, në zhvillimin e turizmit.
Postimi i Totajt
Sot, pata kënaqësinë t’i takojë, Ambasadoren e Izraelit në Kosovë, Shkëlqësinë e Saj, Tamar Ziv.
Me këtë rast diskutuam për një sërë projektesh, ndër to: binjakëzimin e Prizrenit me një qytet izraelit si dhe zhvillimin e një vizite zyrtare të ekipit tonë në Izrael, por, edhe për hapjen e një Qendre Kulturore të Hebrenjëve në Prizren.
Gjithashtu, në këtë takim, diskutuam për mundësitë e bashkëpunimit në fushën e zhvillimit ekonomik, në kulturë e sport si dhe, me theks të veçantë, në zhvillimin e turizmit.