16.8 C
Prizren
E premte, 14 Qershor, 2024

Tridhjetë nxënës indianë u vaksinuan me një shiringë kundër coronavirusit

Një zyrtar shëndetësor po hetohet për vaksinimin e 30 nxënës me një shiringë të vetme në shtetin qendror të Indisë, Madhya Pradesh.

Ngjarja ndodhi në një shkollë në distriktin Sagar ku fëmijëve u jepeshin vaksinat kundër COVID-19.

Ministria e Shëndetësisë e Indisë mandaton një protokoll “një gjilpërë, një shiringë, vetëm një herë” për vaksinat coronavirusi.

India ka administruar mbi 2.03 miliardë vaksina deri më tani, raporton bbc.

Shiringat njëpërdorimshme përdoren gjerësisht në Indi për të shmangur përhapjen e sëmundjeve vdekjeprurëse si HIV.

 

Megjithatë, ka pasur incidente të shumta në të kaluarën ku një shiringë e vetme është ripërdorur në spitale për shkak të mungesës së pajisjeve.

Prindërit që kishin shoqëruar fëmijët e tyre e vunë re këtë çështje dhe e raportuan tek autoritetet e shkollës.

India është vendi i dytë pas Kinës që ka kaluar kufirin e dy miliardë vaksinave kundër virusit.

Sipas ministrisë së shëndetësisë të Indisë, 98 për qind e të rriturve kanë marrë të paktën një dozë të vaksinës, ndërsa 90 për qind janë vaksinuar plotësisht.

Të mërkurën, vendi raportoi 18,313 raste ditore për 24 orët e fundit dhe 57 vdekje të lidhura me coronavirusin. /Telegrafi/

Më Shumë

Moti sot me temperatura deri në 33 gradë Celsius

Instituti Hidrometeorologjik i Kosovës ka bërë të ditur se sot parashihet  të mbajë mot me diell dhe vranësira të pjesëshme. Sipas njoftimin të këtij instituti,...

Konjufca: Lidhja e Prizrenit, njëra prej dy ngjarjeve më të rëndësishme të kombit tonë

Kryetari i Kuvendit të Kosovës, Glauk Konjufca, duke folur për rëndësinë historike të ngjarjes së Lidhjes së Prizrenit, tha se është njëra prej dy...

Lajmet e Fundit