Autoritetet në Turqi kanë arrestuarar tre persona nën akuzat se kanë bërë “propagandë terroriste”.
Sipas mediave turke, bëhet fjalë për përfaqësuesin e Reporterëve pa Kufij, Erol Onderoglu, gazetarin Ahmet Nesin dhe akademikun Sebnem Korur Fincanci.
Arrestimet vijnë pavarësisht presionit të Bashkimit Evropian mbi Ankaranë për të ndaluar persekutimin e akademikëve dhe të gazetarëve.
Tre të arrestuarit raportohet se kanë marrë pjesë në një fushatë solidariteti, në mbështetje të gazetës pro-kurde Ozgur Gundem.
Gazeta është e njohur për mbulimin e çështjeve kurde dhe të konfliktit midis ushtrisë turke dhe Partisë së Punëtorëve të Kurdistanit.
Kjo e fundit kërkon autonominë e kurdëve, por Qeveria turke e konsideron atë si një organizatë terroriste.
Reporterët pa Kufij kanë thënë se “ka rënie të pabesueshme të lirisë së shypit në Turqi”./rel