Zëvendësministri i Punëve të Jashtme i Turqisë, Naci Koru, të enjten ka bërë të ditur se diplomacia turke ka iniciuar procesin për hapjen e konsullatës së saj në Prizren.
Me takimet e realizuara në këtë qytet ai ka nisur vizitën dyditore në Kosovë, gjatë së cilës parashihet të zhvillojë biseda me zyrtarë të lartë të Qeverisë dhe të nënshkruajë dy marrëveshje bilaterale. Fillimisht ai ka vizituar ushtarët turq që shërbejnë në kuadër të KFOR-it, të stacionuar në kazermën “Sulltan Murat” në Prizren dhe pastaj është takuar me afaristët e komunitetit turk të këtij qyteti të organizuar në kuadër të shoqatës “Esnaf”, shkruan koha ditore.
Në zyrat e kësaj shoqate ai ka prezantuar sihariqin për hapjen e konsullatës turke në Prizren.