24.8 C
Prizren
E enjte, 18 Gusht, 2022

U aksidentua pak ditë më parë, humb jetën ish-lojtari i Real Madrid-it

Ish-futbollisti i Real Madrid-it, Napoli-t dhe Kombëtares së Kolumbisë, Freddy Rincon ka ndërruar jetë në moshën 55-vjeçare.

Të henën e 11 prillit, Rincon kishte pësuar aksident automobilistik. Ai ndodhej në spital, nën kujdesin intensiv të mjekëve, pas dëmtimeve të rënda që kishte pësuar në kokë. Goditje të cilat do i rezultonin fatale për jetën.

Lajmin për vdekjen e ish-futbollistit e dha vetë klinika ku ai ishte shtruar.

“Klinika Imbanaco, në prani të të afërmve të tij dhe me autorizimin e plotë të tyre , lejohet të informojë se pavarësisht të gjitha përpjekjeve të ekipeve tona të punës, Fredy Eusebio Rincon Valencia ka ndërruar jetë”, thuhet në njoftimin e saj.

“I kërkojmë të gjithëve që të nderojnë dhe lartësojnë jetën e Freddy Eusebio-s për të gjitha gëzimet që ai na dha”, vijon njoftimi.

55-vjeçari e kishte zhvilluar karrierën e tij në futboll mes Kolumbisë, Brazilit dhe Evropës. Me kombëtaren ai numëroi 85 paraqitje dhe 17 gola. Ndërsa, kreu dhe 21 paraqitje me fanellën e Real-it, si dhe 38 me atë të Napoli-t.

/Albanianpost.com

Më Shumë

Drejtori i kompanisë poston foto duke qarë pasi largoi disa punëtorë nga puna

Drejtori Ekzekutiv i Linkedin është bërë lajm  pasi postoi një selfie të tij duke qarë pas pushimeve nga puna që bëri në kompaninë e...

Çabej djalosh… që kishte fjetur me kravatë!

 Për gjuhëtarin e madh, nga anët e veta tregohen edhe episode të vogla, por shprehëse të një intelekti dhe karakteri dallues që herët. Eqrem...

Lajmet e Fundit