21.8 C
Prizren
E premte, 29 Mars, 2024

U përurua memoriali i dy dëshmorëve në Kobaj të Prizrenit

Sot në fshatin Kobaj u bë përurimi i Memorialit, kushtuar dëshmorëve Nexhat Fanaj dhe Ajdin Rramanaj, si dhe pllakës kushtuar martirit, Nijazi Rramanaj.

Në përurimin e këtij projekti të realizuar nga Drejtoria e Administratës, të pranishëm ishin drejtorët komunalë, familjarët e dëshmorëve, përfaqësuesit e OVL UÇK-së dhe banorët e fshatit Kobaj.

Me këtë rast, drejtori i Drejtorisë së Administratës, Osman Hajdari deklaroi se sot në 23 vjetorin e rënies së Nexhat Fanajt dhe 22 vjetorin e rënies së Ajdin Rramanajt është përuruar ky memorial i merituar i dëshmorëve.

“Lufta e fundit në Kosovë ka shënuar një nga historitë më të lavdishme të kombit shqiptar dhe të tillë ishin edhe luftëtarët e Ushtrisë Çlirimtare të Kosovës. Familjarët e dëshmorëve dhe banorët e fshatit kanë merituar një memorial të tillë. Nexhat Fanaj dhe Ajdin Rramanaj, ashtu siç është edhe vepra e tyre heroike, ishin atdhetarë të devotshëm dhe altarë të lirisë, të cilët ranë heroikisht, për të mos vdekur kurrë”, deklaroi Hajdari.

Pas përurimit të këtij memoriali, drejtorët komunalë po ashtu bënë homazhe në varrezat e dëshmorëve në Landovicë

Më Shumë

Osmani në Krushë të Madhe: Zërat e viktimave kumbojnë ende, po inaugurohet muzeu për ta mbrojtur të vërtetën e luftës sonë

Në Krushë të Madhe në Rahovec është përkujtuar masakra e kryer 25 vjet më parë, më 25 mars 1999, e cila la rreth 250...

25 vjet nga masakra në Krushë të Madhe dhe në tri fshatrat e Rahovecit

25 vjet më parë, konkretisht nga 25 deri më 27 mars 1999, në Krushë të Madhe nga forcat serbe janë masakruar 243 persona, ndërsa...

Lajmet e Fundit