9.8 C
Prizren
E mërkurë, 7 Dhjetor, 2022

U promovua libri “Historia e Gjimnazit të Prizrenit” i autorit Beqir Letaj

Të premten në ambientet e librarisë ” Altera” në Prizren, është bërë përurimi i librit monografik ” Historia e gjimnazit të Prizrenit”, e autorit Beqi Letaj, mësimdhënës i këtij institucioni arsimor i cili këto ditë po shënon përvjetorin e radhës të themelimit të tij.

Pjesë e kësaj ngjarje kulturore ku për herë të parë është shkruar një monografi kushtuar gjimnazit të Prizrenit, ishin miq, bashkëpunëtorë, veteranë të arsimit e përfaqësues të institucioneve të ndryshme.

Njëri nga recensentët e këtij botimi, dr. Sadik Mehmeti, tha se ky libër paraqet një kontribut të vlefshëm monografik në të cilin trajtohen në mënyrë të rrjedhshme e kronologjike një shumësi prblemesh shkollore e arsimore të gjimnazit, por edhe me karakter shoqëror e politik të Prizrenit me rrethinë në periudha të ndryshme.

Ndërkaq, recensenti tjetër, Zog Çoçaj, tha se, nxjerrja në dritë e librit monografik, “Historia e gjimnazit të Prizrenit”, është një hap i guximshëm dhe shumë i rëndësishëm nga ana e autorit Letaj, për zbardhjen e shumë të vërtetave për gjimnazin, që nga themelimi deri në periudha të vonshme. Autorin për këtë libër kushtuar institucioni arsimor i cili këtyre ditëve po shënon ditën e themelimit të tij, e kanë përgëzuar edhe ish mësimdhënësit e tij, Habib Ahmeti dhe Hajdar Mallaku.

Në fund, fjalen e mori edhe autori i monografisë, Beqir Letaj, i cili tha se mirëpret edhe kritika dhe sugjerime rreth këtë botim. Ndryshe, në këtë libër autori zbardhë shumë të vërteta për gjimnazin “Gjon Buzuku”, që nga themelimi në vitin 1855 deri në vitin 1968.

Më Shumë

Hajnat vjedhin stoli ari dhe para në një shtëpi në Rahovec

Persona të panjohur kanë vjedhur stoli ari dhe para të gatshme në një shtëpi në Rahovec. Rastin në polici e ka lajmëruar pronari i shtëpisë...

E rrahu vëllanë për pronë, arrestohet një person në Prizren

Një person është arrestuar të premten rreth orës 13 në Prizren, pasi dyshohet se e ka rrahur vëllanë e vet pas një mosmarrëveshjeje në...

Lajmet e Fundit