Libri ’’Organizata e Veteranëve të Luftës së UÇK-së 2 tetor 1999- 2 tetor 2019’’i autorëve Qazim Thaçi dhe Hasan Morina u promovua sot në Prizren.
Promovimi është organizuar nga Komuna e Prizrenit dhe Shoqata e Veteranëve të UÇK-së.
Kryetari i Komunës së Prizrenit Mytaher Haskuka përgëzoi autorët e librit.
“Libra të tillë duhet të bëhen sa më shumë”, tha Haskuka.
Për librin ka folur edhe autori Qazim Thaçi.
Redaktor i librit është Berat Batiu, recensentë të këtij libri janë, Bislim Zyrapi ish- shef i Shtabit të Përgjithshëm të UÇK-së dhe Lulëzim Kabashi ish- komandant i Brigadës së Kabashit.Po ashtu sot është bërë edhe hapja e ekspozitës me fotografi të luftës i autorit Hasan Morina.
Kryetari Haskuka ka vlerësuar lartë edhe hapjen e ekspozitës.
Autori i ekspozitës, Hasan Morina, ka falënderuar të gjithë mbështetësit për këtë ekspozitë.
“Këto fotografi janë një pjesë e arkivit që kam”, tregoi ai.
Ekspozita do të jete e hapur për tri ditë radhazi./QendraPress/