9.4 C
Prizren
E premte, 16 Prill, 2021

U zhvesh dhe u lidh në mal, 28-vjeçari nga Malisheva e inskenoi gjithë rrëmbimin e tij

28-vjeçari Jetmir Rudi, nga fshati Rud i Malishevës, i cili fillimisht u raportua i zhdukur, e më pas kishte dyshime se është rrëmbyer, ka inskenuar vetë krejt ngjarjen. Madje edhe pamjet që kishin dalë ku ai shihej i lidhur e i zhveshur në mes të malit, i ka inskenuar vetë, shkruan Gazeta Express

Ishte zhveshur, kishte lidhur vetën me një shirit (izolir), por jo edhe duart, të cilat i kishte vendosur pas shpinës, e kishte lënë telefonin në një vend dhe e kishte lëshuar të incizojë, ku më pas kishte nxjerrë fotografi për t’i shpërndarë në rrjete sociale, të cilat i kishte paraqitur si prova për rrëmbim nga dikush.

Rrobat e telefonin për të cilat kishte deklaruar se ia kanë marrë personat që e kanë rrëmbyer, i kishte fshehur diku në mal.

Krejt këto i ka pranuar vetë ai, pas hetimeve të Policisë dhe Prokurorisë.

Rasti i cili deri më tani po hetohej si “Rrëmbim”, tash ka ndryshuar. Ai është rikualifikuar si “Deklarim i rremë”.

Këtë e kanë konfirmuar për Gazetën Express nga Policia e Gjakovës.

“Rasti rikualifikohet si ”Deklarim i rrejshëm”. Pas një pune intensive të njësiteve të hetuesisë dhe i gjetur para provave që posedon policia, i dyshuari ka pranuar se ka inskenuar rastin e rrëmbimit. I njëjti ka treguar edhe vendin ku ka fshehur telefonin dhe provat tjera, prandaj mbështetur në këto rrethana, me urdhër të prokurorit të shtetit rasti rikualifikohet si ”deklarim i rrejshëm”. Veprimet tjera si pjesë e procedurës do të ndërmerren në konsultim me prokurorin kompetent”, kanë deklaruar nga policia.

Si ndodhi e tërë ngjarja:

Kishte dalë nga shtëpia e tij në fshatin Rud të Malishevës, mbrëmjen e së shtunës. I shqetësuar, familjarëve ju kishte thënë se po shkon te lumi, por që nga aty nuk u kthye më. Familjarët kërkuan ndihmën e qytetarëve për ta gjetur 28-vjeçarin Jetmir Rudi. Gjatë së dielës, Policia pati dyshime se Jetmiri është rrëmbyer. Ai u gjet mbrëmjen e së dielës, i lidhur e i zhveshur, në mal në afërsi të shtëpisë. Por, krejt këtë ngjarje, po dyshohet se e ka inskenuar vetë.

Mëngjesin e së dielës, u përhap lajmi se Jetmir Rudin nga fshati Rud i Malishevës është zhdukur. Familja e tij e kishte lajmëruar rastin në Polici, si dhe kishte kërkuar nga qytetarët të lajmërojnë në një numër telefoni të cilin e kishin vënë në dispozicion.

Gjatë ditës, në Instagramin e Jetmirit u publikua një fotografi ku ai shihej i lidhur e i zhveshur në një mal. Madje, mbi fotografi ishte shkruar një mesazh që ngjallte dyshimet se atë e ka rrëmbyer dikush.

Pas kërkimeve që u bënë gjatë së dielës, në mbrëmje Jetmiri u gjet i lidhur e i zhveshur, njëjtë si në fotografinë që u publikua.

Ai u dërgua në Spitalin e Malishevës për trajtim mjekësor, pasi gjendja e tij emocionale nuk ishte e mirë.

Jetmiri kishte deklaruar se është goditur në kokë nga dikush.

Por, këto pretendime të tij i hedh poshtë raporti i mjekut, të cilin e ka siguruar Express, e ku thuhet se nuk vërehen shenja të dhunës në fytyrën apo trupin e Jetmirit.

Njëjtë ka deklaruar edhe mjeku kujdestar në Spitalin e Malishevës, Afrim Krasniqi.

“Parametrat i ka vitale. Ka qenë pak i shqetësuar, por nuk ka pasur shenja të dhunës”, ka deklaruar Krasniqi për Express.

Nga Malisheva, Jetmiri ishte dërguar në Prishtinë për trajtim të mëtejmë mjekësor, por edhe nga aty u lirua.

Prokurori Ali Uka, ka deklaruar për Express se dyshimet e deritanishme janë se rasti është i inskenuar dhe nuk ka të bëjë me rrëmbim.

“Ai është gjetur nga familjarët dhe është në familjen e tij. Rasti dyshohet se është inskenuar. Ai ka deklaruar se e kanë goditur në kokë dhe trup, por mjekët kanë konstatuar se nuk ka shenja të dhunës. Ai nuk ka qenë mirë psiqikisht, edhe më herët është trajtuar për probleme psikike”, ka deklaruar Uka.

Uka tha se edhe fotografia e postuar në Instagramin e Jetmirit ka qenë inskenim.

“Ka postuar fotografi në rrjete sociale, e ka postuar edhe një shirit me të cilin është gjetur i mbështjellë, por e ka larguar fotografinë”, ka deklaruar Uka.

Drejtori i Policisë për Rajonin e Gjakovës, Lumni Graishta, ka treguar për Express se si ka rrjedhur e tërë ngjarja.

“Rreth orës 09:00 të datës 22.11.2020 familjarët kanë raportuar rastin person i zhdukur ku sipas tyre viktima një ditë më parë, rreth orës 17:00 ishte larguar nga shtëpia dhe që atëherë nuk dihet për vendndodhjen e tij. Rreth orës 14:00 policia në Malishevë ka marrë një informatë se dyshohet viktima mund të jetë rrëmbyer nga persona të panjohur”, ka deklaruar Graishta.

Ai ka thënë se pas ekzaminimeve të nevojshme, viktima është liruar për në shtëpi, ndërkohë që policia po vazhdon ta hetojë rastin.

“Të gjitha njësitet relevante i janë përgjigj rastit dhe kërkimi ka vazhduar deri në mbrëmje kur viktima është gjetur nga familjarët e tij afër fshatit. I njëjti është dërguar fillimisht në QKMF Malishevë për t’iu ofruar ndihma e parë e më pas në QKUK Prishtinë. Sipas mjekut viktima nuk ka lëndime të dukshme dhe gjendja e tij shëndetësore është e mirë. Pas ekzaminimeve të nevojshme viktima është liruar në shtëpi ndërkohë që policia po vazhdon me hetimin e rastit”, ka thënë Graishta për Express.

Graishta tha se lidhur me këtë rast janë intervistuar shtatë persona në cilësi të dëshmitarëve, si edhe vetë viktima.

Ai tha se deklaratat janë kundërthënëse, prandaj bazuar në këtë, mund të ketë rikualifikim të veprës penale.

“Aktualisht, rasti po trajtohet si person i zhdukur-i gjetur me dyshimet për rrëmbim. Deri më tani janë intervistuar 7 persona në cilësi të dëshmitarëve dhe vetë viktima. Dëshmitë dhe deklaratat në dispozicion janë mjaftë kundërthënëse andaj pas analizimit të provave, në bashkëpunim me prokurorin kompetent mund të kemi rikualifikim të veprës penale”, ka thënë Graishta.

Ndërkohë, burime të Gazetës Express kanë deklaruar se mesditën e së dielës (rreth orës 12:00) e kanë takuar Jetmirin në rrugë dhe e kanë përshëndetur.

Të njëjtat burime kanë thënë se në kohën kur e kanë takuar, Jetmiri mbante në duar një shirit (izolir), me të cilin më pas në fotografitë e publikuara është parë i lidhur.

Ndërkaq ai kishte deklaruar se ka qëndruar i lidhur e i zhveshur gjatë gjithë natës./GazetaExpress/

Më Shumë

Donald Trump: Në vitin 2024 do ta rimarrim Shtëpinë e Bardhë

Donald Trump nuk heq dorë nga ambicia e tij për t’u rikthyer në Shtëpinë e Bardhë në zgjedhjet e ardhshme presidenciale që do të...

Berisha pas arrestimit të tre personave për tenderin milionësh: Arrestoni hajnat e vërtetë, jo vetëm bashkëpuntorët

Zafir Berisha nga Nisma ka reaguar pas arrestimit të tre personave të një operatori ekonomik që dyshohet se morën tender mbi një milionë euro...

Leclerc: Synojmë podiumin në Imola

Pas vendit të gjashtë në garën e parë sezonale në Bahrein, piloti monogask i Ferrarit, Charles Leclerc rrit pretendimet. Në garën që zhvillohet këtë...

Bahtiri viziton shtëpinë e të moshuarve “Jetimat e Ballkanit” në Suharekë

Kryetari i komunës së Mitrovicës, Agim Bahtiri, i shoqëruar nga nënkryetari, Faruk Mujka, gjatë ditës së sotme ka vizituar shtëpinë e të moshuarve “Jetimat...

Plani slloven dhe Prizreni me Vlorën

Denion Ndrenika Nëse ka një plan slloven për rishikimin e kufijve në Ballkan me shanse të mëdha të afrimit të një shteti shqiptar (sado të...

Në Suharekë nuk ndalen dasmat, policia ndalon tri ahengje

Më 11 prill 2021, policia në Suharekë ka bërë të ditur se ka marrë informacion se në tri raste kishte të organizuara ahengje familjare...

Oda e Hotelerisë dhe Turizmit kërkesë Qeverisë: Të hënën të hapen edhe sallat e dasmave

Oda e Hotelierisë dhe Turizmit të Kosovës, përmes një komunikate për medie, ka kërkuar nga Qeveria e Kosovës që të hënën të hapen të...

“Pazaret me hetime”, prokurorja Gashi nga Prizreni: Është tendencë për të më diskredituar

Ervehe Gashi, prokurore e Krimeve të Rënda në Prokurorinë Themelore në Prizren, ka thënë se raportimet në medie për përfshirjen e saj në njërën...

BIK-u: Agjërimi i Ramazanit fillon më 13 prill

Kryesia e Bashkësisë Islame të Kosovës njofton besimtarët myslimanë dhe të gjithë opinionin e gjerë se Muaji i Madhëruar Ramazan fillon ditën e martë...

Arrestohen pronarët e dy kompanive me seli në Prizren dhe Prishtinë për falsifikim të dokumenteve dhe mashtrim

Prokuroria Themelore në Prizren, pas grumbullimit të informacioneve lidhur me një publikimin të Rrjetit të Organizatave Joqeveritare “AVONET”, ka arrestuar dhe ndaluar pronarët e...

Distria Krasniqi, kampione evropiane

Distria Krasniqi e ka fituar medaljen e artë në Evropianin e xhudos që po mbahet në Lisbonë të Portugalisë. Distria është kampione evropiane në kategorinë...

Sigal Prishtina – Bashkimi luftojnë për playoff, interesante sfida në Prizren

Super dita e shtunë në Art Motion është mjaft e pasur me ndeshje nga basketbolli. Xhiro e fundit në Five Star Superligën do t’i ketë...

Fjalët prekëse të babait të Luran Ahmetit: Mos u hidhëro që nëna jote e përlotur të pret gjithë natën të vish

Poeti Xhabir Ahmeti ka bërë një dedikim prekës për djalin e tij, aktorin e njohur Luran Ahmeti, i cili ditë më parë humbi betejën...

Ndërroi jetë veterani i arsimit nga Zymi i Hasit, Ramadan Çollaku

Në moshën 86 vjeçare ka ndërruar jetë sot veterani i arsimit, Ramadan Çollaku, nga Zymi i Hasit. I ndjeri ishte arsimtar për rreth 40 vite...

Seanca urgjente e Kuvendit të Prizrenit mbyllet në mënyrë kaotike

Kërkesa për shtyrjen e ekzekutimit të vendimit për zyrat e partive politike nuk është shqyrtuar në seancën urgjente të Kuvendit të Prizrenit. Në vend...

DASHURI SI KULLA E BABILONIT

Ai vallëzonte lehtë këtë mbrëmje në krahët e një femre me hundë të shpuar, teksa fustani i saj edhe për meshkujt tjerë ishte tërheqës....

Lajmet e Fundit