Manchester United është mposhtur nga West Ham United, duke shuar kështu gjasat për të siguruar kualifikimin për Champions League.
West Ham ka fituar me rezultat 3: 2.
Sakho realizoi golin e parë për West Hamin në minutën e 10 ndërsa Unitedi barazoi rezultatin në fillim të pjesës së dytë. Ishte Anthony Martial i cili në minutën e 51-të realizoi golin e barazimit. I riu francez i dha shpresë Unitedit kur në minutën e 72-të realizoi për rezultatin e avantazhit, por “Çekanët” u kthyen shumë shpejtë në lojë.
Mikel Antonio me një goditje me kokë barazoi rezultatin në minutën e 76-të. Ndërsa golin e fitores West Hamit ia siguroi Reid në minutën e 81-të.
Me këtë humbje Unitedi mbetet në pozitën e pestë me 63 pikë, dy më pak se City që pozicionohet në pozitën e katërt.