Sistemi i arsimit të lartë në Kosovë është për faqe të zezë. Lista e radhitjes së universiteteve të botës nga më i miri deri te më i dobëti, nga rreth 22 mijë universitete e kolegje të botës, gati sa nuk përfundon me Universitetin e Prizrenit.
Për më keq, as Universiteti i Prishtinës nuk është fare më mirë. Ky institucion i arsimit të lartë publik në vend, ndodhet i ranguar në pozitë më të keqe se edhe universiteti i Nishit në Serbi apo Universiteti Epoka në Tiranë.
Që situata të jetë edhe më e rëndë, UP-ja ndodhet edhe më poshtë në radhitje sesa i ashtuquajturi Universitet i Prishtinës që funksionon falë strukturave paralele në serbe në veri të Mitrovicës.
Cybermetrics Lab (Spanish National Research Council- CSIC), i cili çdo gjashtë muaj përditëson rangimin e universiteteve në portalin e webometrics.info, ka publikuar radhitjen e universiteteve të ndryshme në botë për vitin 2013. Ndarja është bërë sipas kontinenteve, shteteve dhe radhitjes së përgjithshme në nivel global./tribuna/