13.8 C
Prizren
E mërkurë, 17 Prill, 2024

UNMIK-u destruktiv ndaj Kosovës

gashiiiMinistri i Mjedisit dhe Planifikimit Hapësinor (MMPH), Dardan Gashi, të hënën në një takim njoftues ka takuar përfaqësuesin e ri të UNDP-së, Andrew Russell.
Ministri Gashi ka njoftuar Russellin rreth bashkëpunimit dhe mbështetjes që i ka dhënë UNDP-ja Kosovës në rrafshin e mbrojtjes së mjedisit, zonimit të parqeve kombëtare dhe asistencës së dhënë në implementimin e ligjeve për zonat e veçanta të mbrojtura. Megjithatë, ministri Gashi ka kërkuar nga UNDP-ja që zyra e UNMIK-ut në Kosovë të heqë dorë nga qasja destruktive që po mban ndaj Kosovës, duke bllokuar anëtarësimin e Kosovës në shumë konventa ndërkombëtare.

Përveç bllokimit të drejtpërdrejtë në anëtarësim në këto konventa, sipas Gashit, UNMIK-u po e bllokon edhe pjesëmarrjen e delegacioneve nga shteti i Kosovës në konferenca ndërkombëtare, duke kushtëzuar pjesëmarrjen me përfaqësimin nën ombrellën e Rezolutës 1244. “Për këtë arsye MMPH-ja i ka refuzuar ftesat për shumë konferenca të rëndësishme botërore në fushën e mjedisit, prandaj ka mbetur prapa vendeve të rajonit në përpilimin e strategjive”, ka thënë Gashi, duke shtuar se pas njohjes nga 105 shtete anëtare të OKB-së shteti i Kosovës meriton një trajtim më konstruktiv.

Përfaqësuesi nga UNDP-ja, Russell, ka thënë se pas ardhjes së tij në Kosovë e ka kuptuar më mirë pozitën e Kosovës, duke shtuar se nuk është aspak e drejtë që për arsye të një procesi të vazhdueshëm politik Kosova të mos mund ketë qasje të barabartë në programet e OKB-së. Ai ka thënë se në fushën e mjedisit duhet të ketë qasje gjithëpërfshirëse rajonale e botërore dhe ka premtuar ndihmë nga organizata që ai përfaqëson në lehtësimin e anëtarësimit dhe pjesëmarrjes së Kosovës në konventat e OKB-së.

Më Shumë

“Kolla e keqe”, infektologu Ramadani tregon tri fazat që kalon i infektuari

Ka arritur në 14 numri i të prekurve nga sëmundja infektive Pertussis, e njohur në popull si kolli i keq. Instituti Kombëtar i Shëndetit...

Dr. Edlira Gashi- Batiu anëtarësohet në Vetëvendosje

Kryetari i Lëvizjes Vetëvendosje! në Prizren Artan Abrashi dhe deputeti Arbër Rexhaj kanë mirëpritur anëtarësimin e Dr. Edlira Gashi- Batiu. “Ajo ka përfunduar Fakultetin e...

Lajmet e Fundit