Kryetari i Komunës së Prizrenit, Mytaher Haskuka, së bashku me drejtorin e Drejtorisë së Shëndetësisë, Visar Shehu, dhe stafin udhëheqës të Qendrës Kryesore të Mjekësisë Familjare, sot vizituan Njësinë e Shërbimit Urgjent për të përuruar autoambulancat e reja që do t’i shërbejnë kësaj njësie.
Komuna e Prizrenit nëpërmjet Drejtorisë së Shëndetësisë ka blerë tri autoambulanca të reja, me qëllim të mbulimit të kërkesave të të gjithë qytetarëve të territorit të komunës së Prizrenit.
Vlera totale e blerjes së këtyre autoambulancave është 126,360 euro.
Krahas kësaj, në Njësinë e Shërbimit Urgjent po punohet edhe në ndërtimin e garazhave të reja po për këto autoambulanca.