NISMA në Prizren, uron gjithë qytetarëve të Kosovës 17 Shkurtin, pavarësinë e Kosovës, këtë ditë të shumëpritur nga të gjithë ne.
“Një rrugë e gjatë për të arritur deri këtu ku jemi tani dhe kjo u arrit falë sakrificës dhe gjakut të dëshmorëve, që sollën lirinë dhe jetësuan pavarësinë që po e gëzojmë sot”, thuhet në urimin e Nismës.
“Edhe pse situata politike, ekonomike dhe sociale nuk është inkurajuese, megjithatë shpallja e Pavarësisë së Kosovës mbetet e arritura më e madhe e jona dhe si e tillë duhët të jetë motiv për angazhim më të madh në fuqizimin e shtetit të Kosoves”.
“Mirëpo, si asnjëherë më parë, ne duhet t’i ushqejmë shpresat dhe ëndrrat tona, për një ardhme më të ndritur. Prandaj në këtë datë historike ndër ne, përçojmë mesazhin, se duhet ta ndërtojmë të ardhmen tonë dhe kjo mund të arrihet vetëm duke e ndryshuar atë, gjithmonë për të mirën e përgjithshme të qytetarëve”/PrizrenPress.com/