15.8 C
Prizren
E hënë, 29 Maj, 2023

Varroset ish-komandanti i UÇK-së, Esat Krasniqi

Ish-komandanti i UÇK-së, Esat Krasniqi u varros sot në varrezat e Prizrenit.

Ceremonia e varrimit është organizuar nga Organizata e Veteranëve të Luftës së UÇK-së.

Në emër të Këshillit organizativ ka folur Hajrim Çengaj.

“Esat Krasniqi, një jetë të tërë ia kushtoi aspiratave të shqiptarëve të Kosovës duke dhënë kontribut të jashtëzakonshëm për lirinë e saj”, tha ai.

Sekretari i degës së OVL-së së UÇK-së në Prizren, Isa Berisha, tha ndërkaq se është vështirë të ndahesh nga komandant, Esat Krasniqi.

“Ai pas vetes ka lënë vepra madhore në shërbim të atdheut”.

Ish- komandant i brigadës 138 ” Agim Ramadani”, Rrustem Berisha tha se Esati radhitet në mesin e kolosëve të kombit tonë.

I pranishëm në këtë ceremoni varrimi ishte edhe kryetari i Prizrenit, Mytaher Haskuka, i cili tha se “sot po ndahemi nga një personalitet i shquar kombëtar i cili nuk ndaloi angazhimin e tij qytetar në shërbim të popullit në Kosovën e lirë”.
Në emër të familjes, pjesëmarrësit i ka falënderuar i biri i komandant, Esat Krasniqi, Endriti.

Ndryshe, Esat Krasniqi, ka ndërruar jetë mbrëmë në Spitalin e Prishtinës./TV Prizreni/

Më Shumë

Kanye West paditet nga “Gap” me afro dy milionë euro

“Gap” po kërkon mbi dy milionë dollarë (1.8 milionë euro) nga Kanye West në mënyrë që të mbulojë kostot që mund të pësojnë në...

Kurti: I kuptojmë shqetësimet e ndërkombëtarëve, por kemi edhe obligime

Kryeministri i Kosovës, Albin Kurti, ka reaguar pas situatës së tensionuar në veri të vendit. Kurti, në një postim në Facebook, ka thënë se i...

Moti sot me diell

Lajmet e Fundit