16 C
Prizren
E diel, 14 Shtator, 2025

Varroset Kujtim Kastrati nga Rahoveci,familjarët: Kjo nuk është tragjedi vetëm e jona, por edhe e kombit

Është varrosur, Kujtim Kastrati, bashkatdhetari që humbi jetën në aksidentin e javës së kaluar në Kroaci.Familjarë, miq dhe qytetarë janë mbledhur në Malësi të Vogël të Rahovecit për t’i dhënë lamtumirën e fundit, Kujtimit, i cili la pas vetes dy fëmijët.

Vdekja e të ndjerit po përjetohet rëndë nga familjarët, megjithatë shprehin falënderime për Qeverinë për kujdesin ndaj viktimave dhe të lënduarave në aksidentin me autobus në Kroaci.

Sadik Kastrati, axha i Kujtimit tha se tragjedia që ndodhi të dielën e javës se kaluar është kombëtare, jo vetëm e familjes së tyre.

“Kjo nuk është tragjedi vetëm e jona, por edhe e kombit. E falënderoj edhe Qeverinë, që për hir të popullit ditën e hënë ka pasur ditë zie. S’kemi çka të flasim. Falënderime, dhimbja mbetet dhimbje”, tha ai.

Edhe familjarë të tjerë jashtë kamerës  shprehën dhimbjen për vdekjen e të afërmit të tyre.

Pjesë e ceremonisë së varrimit ishte edhe kryetari i Rahovecit, Smajl Latifi, i cili tha se ngjarja tragjike e së dielës ka goditur rëndë gjithë popullin tonë.

“Po e mbulojmë me dheun e Kosovës Kujtimin, i cili është pjesë e tragjedisë ku humbën jetë edhe 9 qytetarë tjerë. Tragjedia që ndodhi e ka goditur tërë kombin tonë”, tha ai.

Kujtim Kastrati së bashku me 9 viktima të tjerë humbën jetën të dielën e javës së kaluar në një aksident në Kroaci duke ardhur në Kosovë/kosovapress

Më Shumë

Asllani vendimtar, Shqipëria fiton 1-0 ndaj Letonisë dhe ruan ëndrrën për Botëror

Në ndeshjen e zhvilluar mbrëmjen e sotme në stadiumin “Air Albania” në Tiranë, Kombëtarja e Shqipërisë mundi Letoninë me rezultatin 1-0, duke ruajtur shpresat...

Tragjike në Prizren: 71-vjeçari bie nga muret e Kalasë dhe vdes

Një ngjarje e rëndë ka ndodhur sot në Prizren, ku një 71-vjeçar ka humbur jetën afër mureve të Kalasë së qytetit. Burime të Sinjalit bëjnë...

Lajmet e Fundit