Paris Saint-Germain dhe Neymar janë duke vazhduar bisedimet për kontratën e re.
Sulmuesi brazilian ka bërë të ditur se ai dëshiron të qëndrojë në Parkun e Princave, mirëpo kanë mbetur ende disa detaje për rinovimin e marrëveshjes.
Sipas asaj që raporton Le10Sport, kampioni i Ligue 1 dëshiron që 29-vjeçari të vazhdojë me pothuajse të njëjtat kushte të kontratës shkaku i krizës së shkaktuar nga COVID-19.
Mirëpo, Neymar po kërkon që të ketë rritje page, derisa aty të përfshihen edhe bonuse në rast se e fitojnë Ligën e Kampionëve.
Nuk ka ndonjë rrezik nga Barcelona apo Real Madridi, që lojtari të kalojë në radhët e tyre.
Neymar është i përkushtuar që të mbetet te PSG, derisa po tenton të bind edhe Lionel Messin që t’i bashkohet në Parkun e Princave.
Lojtari brazilian dhe Kylian Mbappe janë dy lojtarët më të rëndësishëm të skuadrës franceze dhe që të dy pritet që para se të mbyllet ky edicion të rinovojnë kontratat. /Telegrafi/