Këngëtari i mirënjohur Gentian Demaliaj, që njihet ndryshe si figura kryesore e grupit “Djemtë e Detit” ka ndërruar jetë si pasojë e një sëmundjeje të rëndë.
Demaliaj mësohet se ndodhej nën kurim që prej vitit 2013, kohë në të cilën qeveria shqiptare kishte dhënë dhe një fond për shërimin e tij.
Por duket se sëmundja ka qenë e rëndë dhe ai nuk ka mundur që të mbijetojë.
Gent Demaliaj ishte i martuar dhe ka një vajzë, Edean, këngëtare shumë e talentuar që ka fituar në Festivalin e Shkodrës, çmimin “Zërat më të mirë”, ndërsa në Festivalin e Tiranës u vlerësua me çmimin “Interpretuesja më e mirë”.
“Jakup Ferri”, “Ëndrrat që për ty i thura”, “Jo tani”, “Epos”, “Mos Qaj”, janë vetëm disa prej hiteve të këtij grupi.