24.8 C
Prizren
E shtunë, 25 Maj, 2024

Vdiq futbollisti tunizian që dogji veten ditë më parë, në Tunizi “shpërthyen” protesta të dhunshme

Futbollisti tunizian Nizar Issaoui vdiq si pasojë e djegieve që mori kur i vuri flakën vetes përpara stacionit policor në shenjë proteste kundër “padrejtësisë policore”, dhe trazirat shpërthyen në fshatin e tij të lindjes, Hafous.

Nizar Issauoi, 35-vjeçar, baba i katër fëmijëve, i cili ishte lojtar i lirë dhe luante në liga amatore, pësoi djegie të shkallës së tretë dhe mjekët nuk mundën t’i shpëtonin jetën, tha vëllai i tij Riyad.

Demonstruesit u përleshën me policinë në Hafuz dhe forcat e zbatimit të ligjit hodhën gaz lotsjellës për të shpërndarë njerëzit që ishin mbledhur para një stacioni policor, thanë dëshmitarët për Reuters, transmeton lajmi.net.

Issaoui, i cili dikur luante për klubin elitar tunizian US Monastir, postoi një video në Facebook para vdekjes së tij, në të cilën ai deklaroi se arsyeja e protestës së tij ishte një akuzë e rreme për terrorizëm.

“Për shkak të një debati me dikë që shiste banane për 10 dinarë tunizian (3 euro), u akuzova për terrorizëm në stacionin policor në Hafuz. Terrorizëm për shkak të vërejtjes për bananet”, citohet të ketë thënë ai në video.

Sipas portalit neësarabia.com, çmimi i bananeve i cituar nga Essaoui është dyfishi i çmimit të vendosur nga qeveria tuniziane.

Në një postim në Facebook, ai deklaroi se po e dënon veten me “vdekje nga zjarri”.

“Nuk kam më forcë. Lërini të ditur policinë se gjykimi do të kryhet sot”, ka shkruar ai para se t’i vërë flakën vetes./Lajmi.net/

Një ndër tipet e banesave në kompleksin “Parku”.

Bëhu me banes në zemër të Prizrenit pranë Lumbardhit dhe Parkut!
#quality #contrucion #design #park
www.renelualtahiri.com
+383 44 128 112

Përshkrimi i fotografisë nuk është i disponueshëm.

Më Shumë

Rast tragjik: Një burrë bën vetëvrasje në Dragash

Një ngjarje tragjike ka ndodhur paraditen e sotëm në Dragash, ku një burrë dyshohet se ka bërë vetëvrasje, raporton Gazeta Sinjali. Sinjalizuesit e Sinjalit kanë bërë...

Në manifestimin ‘Stinët Poetike’ në Prizren, prezantohet poeti Hazir Luta

Shoqata për Kulturë dhe Art 'Fidani' në Prizren ka organizuar manifestimin letrar 'Stinët Poetike', duke sjellë në vëmendje krijimtarinë e shquar të poetit nga...

Lajmet e Fundit