Kryetari i Komunës së Rahovecit, Idriz Vehapi, ka uruar të gjithë qytetarët e komunës Vitin e Ri 2017, duke theksuar se viti që po shkon, ishte vit i përpjekjes për një jetë më të mirë e më të begatë.
“Të nderuar qytetarë të Komunës së Rahovecit, Vitin 2016 po e lëmë prapa, me te gjitha përjetimet që kemi pasur, me sukseset dhe përpjekjet për një jetë më të mirë e më të begatë”, thuhet në urimin e Vehapit.
“Viti 2017 le të jetë me më shumë shpresë e gëzim, le të na sjellë lumturi, shëndet e mirëqenie. Le të jetë një Vit i veçantë e i lumtur i jetës suaj, le të jenë miqtë e vërtetë gjithmonë me ju.
“Uroj që Viti i Ri t’ju sjellë për ju dhe të dashurit tuaj shëndet, lumturi, gëzim, suksese. Uroj të sjellë paqe e zhvillim për vendin tonë – Kosovën”.
“Viti i Ri le të jetë vit i pritjeve dhe i realizimeve të dëshirave Tuaja. Urime!” /PrizrenPress.com/