Me rastin e fundvitit 2016, si dhe fillimin e Vitit të Ri 2017, kryetari i PDK-së, dega në Prizren, Minir Krasniqi, në emër të Partisë Demokratike dhe në emër të strukturave të saj, uron të gjithë qytetarët e Komunës së Prizrenit Vitin e Ri 2017, duke iu dëshiruar shëndet të mirë, gëzime familjare dhe lumturi në jetë.
“Në këto çaste gëzimi, ne presim Vitin e Ri 2017 me krenari dhe mirënjohje më të thellë për njëri-tjetrin, për përpjekjet dhe përkushtimet për arritjet tona. Uroj me dëshirë që Viti i Ri 2017 të jetë më i suksesshëm se viti që po e lëmë pas”, thuhet në urim.
“Viti i Ri 2017 le të jetë vit i angazhimeve të përbashkëta politike me qëllim të përmirësimit të jetës së qytetarëve të Komunës së Prizrenit”.
“Le të jetë Viti i Ri 2017, një vit i bekuar që sjell shëndet, begati, paqe, dhe dashuri në jetën tuaj dhe të familjes suaj”.
“Urime dhe Gëzuar Viti i Ri 2017!” /PrizrenPress.com/