Ekzekutivi i vendit ka miratuar të premten Projektligjin që parandalon qytetarët e Kosovës të marrin pjesë në luftërat e huaja.
Ministri i Punëve të Brendshme, Skender Hyseni tha se është e nevojshme të krijohet korniza ligjore për ndjekjen dhe gjykimin e personave që marrin pjesë në konflikte jashtë vendit.
Ndryshe, agjenda prej 25 ligjeve do të jetë prioritet i qeverisë Mustafa gjatë ditëve të ardhshme, ndërsa Ligji për Gjykatën Speciale, ai për shndërrimin e Forcës së Sigurisë së Kosovës në Forca të Armatosura dhe Projektligji për Parandalimin e Pjesëmarrjes në Luftëra të Huaja, do të procedohen në seancat e ardhshme të Kuvendit.
Ndërsa, ekspertët kanë parashikuar se këto ligje mund të kalojnë me procedurë të përshpejtuar pasi që janë shqyrtuar në nomenklaturën e kaluar.