“Vepra në të Zezë” i Marguerite Yourcenar, është libri më i ri që vjen për lexuesin në shqip nga botimet IDK. Në romanin “Vepra në të Zezë”, Marguerite Yourcenar me personazhin e Zenonit, s’na rrëfen thjesht historinë tragjike të një njeriu të jashtëzakonshëm.
.Ajo ia del mbanë të na sjellë një tablo të gjallë, me gjithë ngjyrat e saj të pasura, të gjithë një epoke e të realitetit të saj të vrazhdë dhe brutal. Një botë ku përballen me ashpërsi Mesjeta me Rilindjen, teksa në horizont po mugullojnë filizat e kohëve moderne.
Zenoni është produkt i kësaj bote, por pak nga pak ky njeri i lirë kërkon të çlirohet prej saj dhe për këtë paguan një çmim të lartë.
Duhet theksuar fakti se, gazeta e mirënjohur “Le Monde” e ka shpallur librin “Vepra në të Zezë”, një ndër 100 romanet më të bukura të shekullit XX.