Neutraliteti i Marrëveshjes së Brukselit në raport me pavarësinë e Kosovës mund t’i amnistojë katër kryetarët e komunave serbe në veri nga betimi para ligjit dhe Kushtetutës së Kosovës. Ndërkaq, kryetarët e gjashtë komunave serbe poshtë lumit Ibër, do të vazhdojnë ashtu si edhe deri më tani, pavarësisht se në krye të tyre janë kryetarë nga Lista Serbe, subjekt ky i formuar dhe mbështetur nga Qeveria e Serbisë.
Këto janë komentet që aktualisht i prezantojnë liderët e Iniciativës Qytetare Serbe apo Listës Serbe, në lidhje me pozicionin që do të mbajnë kryetarët e komunave në raport me statusin e pavarur të Kosovës.
Kryetarët e komunave me shumicë serbe në Kosovë, bazë të funksionimit në radhë të parë, nuk përmendin se do t’i kenë ligjet dhe Kushtetutën e Kosovës, por marrëveshjen e 19 prillit të arritur në dialogun ndërmjet Prishtinës dhe Beogradit.