0.8 C
Prizren
E diel, 29 Janar, 2023

Veseli: Edhe George Bush ishte drejtor i CIA-s

Kadri VeseliKryetari i sapozgjedhur i Kuvendit të Kosovës, Kadri Veseli ka premtuar se do të jetë i përgjegjshëm në respektimin e të gjithë deputetëve, pa dallim, në respektimin e fjalës së tyre – në respektimin e ligjshmërisë së Republikës së Kosovës.

Në emsionin Zona B, të Klan Kosovës, Veseli ka theksuar se posti i kryetarit të parlamentit të Kosovës, është vazhdimësi e aktiviteteve të tija politike.

“Në jetën time jam ballafaquar me shumë përgjegjësi dhe vendime të mëdha që kanë pasur të bëjnë me vendin. Edhe kjo është një vazhdimësi, natyrisht në rrethana tjera. Ishtë një çështje e besimit dhe ishte vendim individual”, ka thënë Veseli.

Ai ka folur edhe rreth rolit që do të luaj ai në respektimin edhe të komuniteteve pakicë në Kuvend, përkatësisht komunitetit serb.

“Veçanërisht në këto rrethana për mua është momenti që të dëshmojmë gatishmërinë tonë të tolerancës por edhe të përgjegjshmërisë. Ne jemi 120 deputetë të zgjedhur nga qytetarët, të gjithë i kemi të drejtat e barabarta. Serbët janë qytetarë të republikës sonë. Është e vërtetë që në të kaluarën kemi luftuar kundër një regjimi, por asnjëherë nuk kemi qenë kundër serbëve, si popullatë”, ka thënë Veseli.

Në pyetjen se si u përgjigjet zërave, se një shef I një shërbimi secret nuk mund të ushtrojë poste të larta publike institucionale, Ish shefi I SHIK-ut, ka thënë se e respekton çdo mendim, por bënë thirrje që sidomos figurat publike duhet të jenë të përgjegjshëm në thënien e fjalës publike.

“Një nga presidentët më të veçantë të SHBA-ve, presidenti George Bush, ka qenë drejtor i CIA-s”, ka thënë Kadri Veseli.

Më Shumë

Asociacioni i Komunave dhe MFPT-ja përplasen për tatimin në pronë

Çmimi për tatim në pronë është rritur 100 për qind. Ministri i Financave thotë se nuk e ka marrë këtë vendim, ndërsa nga Asociacioni...

Sulmohet fizikisht një femër në Prizren, bëhet për spital

Një femër në Prizren ka pranuar tretman mjekësor. E njëjta është sulmuar fizikisht nga një person i cili është arrestuar nga policia. I dyshuari, pas intervistimit...

Lajmet e Fundit