Kryetari i Kuvendit të Kosovës, Kadri Veseli, gjatë një konference të jashtëzakonshme për media ka thënë se Kuvendi ka tash e disa muaj që Kuvendi është duke u ballafaquar me një situatë të vështirë.
Sipas Veselit, deputetët ka kohë që janë duke u ballafaquar me fyerje dhe të rrezikuar.
“Përveçse neve, ata janë duke dëmtuar edhe një proces historik”.
Ai u ka bërë edhe një herë thirrje Opozitës për dialog brenda institucioneve të Republikës së Kosovës.
“Dialogu është mënyra e vetme për zgjidhjen e çdo marrëveshje”.
“Çdo veprim i tyre si sot është veprim sa i dëmshëm aq dëshpërues dhe i papranueshëm për ne. Kuvendi është i vendosur të vazhdojë punën e tij për mbushjen e agjendës legjislative”.
“Kuvendi nuk do të jetë vendi ku do të rrëzohet Qeveria e Kosovës. Seancat e Kuvendit do të mbahen që deputetët e koalicionit qeveritar të kërkojnë mbajtjen e tyre”, ka thënë ndër tjerash Veseli. /Telegrafi/