Me rastin e vdekjes së Zylfi Merxha, ish-deputet i Kuvendit të Kosovës gjatë tri legjislaturave (2001-2010), kryetari i Kuvendit të Kosovës, Kadri Veseli ngushëllon familjen Merxha.
“Në emrin tim dhe në emër të deputetëve të Kuvendit të Republikës së Kosovës, ju shpreh ngushëllimet më të thella për humbjen e anëtarit tuaj. Z. Zylfi Merxha ishte shembull i angazhimit të përfaqësuesit të popullit, për komunitetin e tij, për Prizrenin dhe për të gjithë qytetarët e Kosovës, duke reflektuar dinjitet, besim dhe dashuri e shpresë për njerëzit. Me punën e tij të palodhshme, dha kontribut të çmuar në fushën e legjislacionit të vendit tonë, si dhe në aktivitete të tjera në rrjedhat shoqërore, ekonomike e politike të vendit tonë”, thuhet në telegramin e ngushëllimit.