Lëvizja Vetëvendosje në Prizren organizoi një takim me bashkatdhetarët nga diaspora.
Qindra pjesëmarrës u mblodhën për të diskutuar rreth zgjedhjeve të 9 shkurtit 2025.
“Nga përfaqësues dhe kandidatët për deputetë të Vetëvendosje, u theksua roli kyç i diasporës në zhvillimin ekonomik dhe social të vendit, si dhe rëndësia e pjesëmarrjes aktive në proceset politike, përfshirë regjistrimin për votim në zgjedhjet e ardhshme”, thuhet në njoftimin e Lëvizjes Vetëvendosje në Prizren.
Pjesëmarrësit ndanë histori suksesi dhe përkushtimi nga vendet ku jetojnë, ndërsa u zotuan për të kontribuar fuqishëm në zhvillimin e Kosovës.
“Të gjithë të pranishmit u inkurajuan që të regjistrohen për votim dhe të përdorin të drejtën e tyre për të mbështetur Qeverinë #Kurti3 dhe për të siguruar fitoren e madhe të 9 shkurtit!”.
Në fund, u ripërsërit thirrja: “Nga çdo cep i botës ku je, hidhe votën për atdhe!”
Pjesëmarrësit u inkurajuan të përfundojnë regjistrimin sa më shpejt, duke theksuar se ky proces është i thjeshtë dhe nuk kërkon shumë kohë./PP/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Përjetoni pushime të paharruar dhe dasma magjike në Hotel “Albes Residence”
