Lëvizja Vetëvendosje në Prizren, thotë se kryetari i PDK-së, Kadri Veseli, dje ka keqpërdorë manifestimin e boshnjakëve në Prizren.
“Në vend se ky manifestim të shfrytëzohet për afirmimin e vlerave të komunitetit boshnjak, kryetari i PDK-së, Kadri Veseli, e shfrytëzon për ta afirmuar Shaqir Totajn, kandidat për kryetar, dhe në mënyrë indirekte të bëjë presion te ky komunitet për t’u votuar kandidati i PDK-së”, thuhet në komunikatën e VV-së në Prizren.
Reagimi i plotë
PDK, me kandidatin e vet për kryetar të Prizrenit, keqpërdor manifestimin e boshnjakëve në Prizren
Në organizmin e Ditës së Boshnjakëve, i financuar nga Qeveria e Kosovës, kryetari i PDK-së promovon kandidatin për kryetar nga radhët e saj.
Manifestimi i organizuar nga boshnjakët për ditën e tyre kombëtare keqpërdoret për qëllime të fushatës. Në vend se ky manifestim të shfrytëzohet për afirmimin e vlerave të komunitetit boshnjak, kryetari i PDK-së, Kadri Veseli, e shfrytëzon për ta afirmuar Shaqir Totajn, kandidat për kryetar, dhe në mënyrë indirekte të bëjë presion te ky komunitet për t’u votuar kandidati i PDK-së.
Perveç se është jo etik, ky veprim i PDK-së është edhe kundërligjor, prandaj kërkojmë nga PZAP-ja që të ndërmarrë masa të parapara me ligj në lidhje me këtë ndërhyrje.
Lëvizja VETËVENDOSJE! Qendra- Prizren