27.5 C
Prizren
E shtunë, 5 Korrik, 2025

Vila e Sabit Gecit në Prevallë, pa leje

Prevalle-vilat pa lejeRreth 30 pronarë, të cilët kanë ndërtuar vila pa leje dhe kanë tejkaluar punimet në fshatin turistik të Prevallës, të hënën do ta marrin njoftimin për rrënim. Një nga to do të jetë edhe ajo e Sabit Gecit, i kanë thënë KTV-së burime nga ministria.

Geci, pos që ka ndërtuar pa leje, ka uzurpuar edhe pronën shoqërore. Afër marrjes së vendimit për rrënim është taskforca e ministrit Gashi, për çfarë po punon intensivisht. Derisa shumë shpejt pritet që edhe për zyrtarët e tjerë të lartë, që kanë vila atje me tejkalime, të merret vendimi për rrënimin. Pas marrjes së vendimit, pronarët do të kenë afat 15 ditë për të intervenuar në rregullimin apo edhe rrënimin e vilave pa leje, në të kundërtën ekskavatori i kësaj ministrie do të intervenojë.

Udhëheqësi i Taskforcës për Prevallën, Kreshnik Berisha ka bërë të ditur se të dy operatorët telefonikë, “Ipko” dhe “Vala”, tashmë i kanë hequr antenat e tyre pa leje në Prevallë.

Njoftimi i ministrit Gashi, i cili iu bën thirrje pronarëve që t’i rregullojnë vilat e tyre me tejkalime, tashmë ka më shumë se dy javë që është vendosur nëpër mure të vilave pa leje.

Më Shumë

AAK zyrtarizon Besnik Krasniqin si kandidat për kryetar të Prizrenit

Aleanca për Ardhmërinë e Kosovës ka zyrtarizuar kandidaturën e Besnik Krasniqit për kryetar të Komunës së Prizrenit në zgjedhjet lokale që do të mbahen...

Reduktime të ujit në Suharekë për shkak të konsumit të lartë dhe keqpërdorimeve

Kompania Rajonale e Ujësjellësit “Hidroregjioni Jugor” Sh.A – Njësia Suharekë ka paralajmëruar se nga data 2 korrik do të nisë zbatimi i reduktimeve të...

Lajmet e Fundit