17.1 C
Prizren
E enjte, 18 Shtator, 2025

Vitin e kaluar, 244 qytetarë të Prizrenit hoqën dorë nga shtetësia e Kosovës

Numri i kosovarëve që duan ta braktisin atdheun po rritet, dita-ditës.

Vetëm vitin e kaluar, 244 qytetarë të Prizrenit kanë aplikuar që të heqin dorë nga shtetësia e Kosovës.

Drejtori i Administratës në Prizren, Edin Shehu tha se në mesin e tyre janë edhe 30 fëmijë.

“Fëmijët që kanë aplikuar për të hequr dorë nga shtetësia e Kosovës kanë qenë nën përcjellje të prindërve”, tregon Shehu, shkruan “PrizrenPress”.

Ai tha se kërkesa e qytetarëve për të hequr dorë nga shtetësia është shqetësuese.

Ndërkaq, qytetarët konsiderojnë se një nga arsyet e lirimit nga nënshtetësia e Kosovës dhe marrja e shtetësisë së një shteti tjetër, përveç tjerash, është edhe ngecja që ka shënuar vendi në zhvillimin e gjithmbarshme, në veçanti atë ekonomik.

“Gjendja e rëndë ekonomike dhe pa perspektiva në Kosovë është një arsye më shumë” , thotë Besim Berisha nga Prizreni.

Sipas tij, të rinjtë nuk po shohin perspektivë në Kosovë.

“Me jetu në Kosovë është humbje kohe”, shprehet ai. /PrizrenPress.com/

 

 

 

Më Shumë

Mbi 7 mijë ulëse te stadiumi i Prizrenit

Ekipi i Lirisë dhe klubet tjera prizrenase që luajnë në stadiumin “Përparim Thaçi” mund të shpresojnë për shumë më shumë publik dhe cilësi në...

Suhareka pret edicionin e 24-të të manifestimit tradicional “Festari”

Komuna e Suharekës do të jetë nikoqire e edicionit të 24-të të manifestimit tradicional “Festari”, që këtë vit do të zhvillohet nga 15 deri...

Lajmet e Fundit