Kryetari i Kuvendit të Kosovës, Kadri Veseli, sot ka vizituar Rahovecin, transmeton Klan Kosova.
Ai tha se rrushi u poq dhe në vjeljen që nisi sot në Rahovec një argat e bëri edhe ai.
“Vreshtarinë dhe verëtarinë i kemi traditë të trashëguar me krenari ndër breza. Vreshtarëve u urova prodhimtari edhe më të madhe në vitin që vjen”.
“Së bashku me turizmin rural, këta sektorë përbëjnë potencial të madh zhvillimi dhe kanë nevojë për mbështetje edhe më të madhe. Me burimet që kemi dhe me një luftë të pakompromis kundër korrupsionit, të rinjtë tanë më nuk do të kenë nevojë të largohen dhe ta punojnë tokën e tjetërkujt”, ka shkruar Veseli në Facebook.