19.8 C
Prizren
E martë, 18 Qershor, 2024

“Vorbulla” hap sezonin e shfaqjeve në Teatrin Kombëtar

vorbullaTeatri Kombëtar i Kosovës është gati për premierën e parë për këtë vit. “Vorbulla” titullohet shfaqja që artikulon krizën e raporteve të një familjeje shqiptare në prag të luftës së vitit 1999, të një familje e cila, e ndodhur para ankthit të fatit të vajzës së tyre, e përçarë nga dhembja dhe pasiguria ballafaqohet me krizën e shpërbërjes.

Rreth 22 mijë euro i ka kushtuar TKK-së, shfaqja që zgjatë 1 orë e 15 minuta, e në të cilën rolet i portretizojnë aktorët Ismet Azemi, Aurita Agushi, Afrim Kasapolli dhe Agim Selimi.

Detajet janë bërë me dije në një konferencë për media që është mbajtur të hënën në mesditë në TKK, një ditë para premierës. Aty është folur edhe për rrëfimin e shfaqjes.

Të pushtuar nga ankthi i të papriturës lidhur me fatin e vijës së tyre, e cila zhduket pa gjurmë, Sokol Gruda (Ismet Azemi) dhe Drita (Aurita Agushi) si bashkëshortë pushtohen nga ankthi i fajita dhe shfajësimi dhe duke u ballafaquar me ashpërsinë e situatës së tyre të tashme familjare e ekzistenciale, ata e ballafaqojnë njëri – tjetrin dhe vetveten me të kaluarën e tyre dhe me mungesën e vizionit për të ardhmen,transmeton Koha net.
Të vërtetat e dhembshme të jetës së tyre, atë hendek dhe përplasje të përhershme në jetën e tyre, të heshtur të zbutur, në një situatë të skajshme ekzistenciale, i nxjerrin në gjithë vrazhdësitë e tyre.

Kësaj situate i kontribuon edhe Agroni (Afrim Kasapolli), psikiatri e miku i familjes, i cili e artikulon të vërtetën për vetveten dhe të vërtetën për miqtë e tij e për të gjithë, për rëniet dhe ngritjet, për dështimet dhe krizën e mashtrimit e të vetëmashtrimit, për vorbullën, në kthetrat e së cilës përpëliten.

Më Shumë

Pandeli Majko shpallet ‘Qytetar Nderi’ i Rahovecit

Rahoveci  ka kremtuar Ditën e Çlirimit. Në këtë ditë kremte, ish-kryeministri i Shqipërisë, Pandeli Majko, është shpallur "Qytetar Nderi" i Rahovecit dhe është vlerësuar...

Abrashi: Të mbretëron dashuria mbi urrejtjen

Kryetari i Lëvizjes Vetëvendosje në Prizren, Artan Abrashi, ka vizituar Bashkësinë Islame në këtë qytet, ku ka uruar të gjithë besimtarët për festën e...

Lajmet e Fundit