Një vrasje e dyfishtë ka ndodhur para pak çastesh në Haraçinë të Shkupit, kurse tashmë ky informacion tragjik është vërtetuar edhe nga disa medie prej organeve policore, raporton portali Almakos.
“Ngjarja e hidhur është lajmëruar nga vetë qytetarët e Haraçinës në polici. Ekipet policore janë nisur menjëherë për në vendgjarje, dhe tashmë i mbledhin dëshmitë. Për më tepër informata do të dalim gjatë orëve në vijim”, – thonë nga Minsitria e Punëve të Brendshme.
Siç merret vesh jozyrtarisht, ngjarja tragjike ka ndodhur kur dy vetura kanë qenë në lëvizje, dhe personat brenda tyre kanë filluar të krisin ndaj njëri-tjetrit, me ç’rast njëri ka mbetur i vdekur, përderisa tjetri ka luftuar për jetën në njërin nga spitalet e Shkupit por në fund ka vdekur.