Lëvizja Vetëvendosje! në Prizren, i ka dhënë mbështetje inspektoriatit komunal për lirimin e hapësirave publike.
“Vetëvendosje! mbështet dhe përkrahë aksionin e inspektoratit komunal për lirimin e hapësirave publike që po zhvillohet në Komunën e Prizrenit”, thuhet në komunikatën e VV-së në Prizren.
“Hapësirat publike janë pasuri e përbashkët e të gjithë qytetarëve të Prizrenit dhe garantimi i çasjes së lirë është detyrë dhe obligim që rëndon ndaj të gjithëve”.
“Me këtë rast kërkojmë nga të gjithë ata që dëshirojnë shfrytëzimin e ligjshëm dhe të drejtë të hapësirës së përbashkët, t’i ndjekin procedurat dhe rregullat e përcaktuara me ligj”.
“ Poashtu inkurajojmë organet komunale që të vazhdojnë aksionet e tilla deri në respektim të plotë të rendit dhe ligjit, deri në lirimin e plotë të hapësirave të uzurpuara në territorin e Komunës së Prizrenit”./PrizrenPress.com/
