Banorët e Karaçevës,në brezin kufitar me Serbinë kanë nisur t’i shesin bagëtitë, dhe t’i lëshojnë shtëpitë.
Xhandarmërisa serbe sapo të perëndoë dielli iu futet nëpër shtëpi duke ua marrë bagëtitë dhe terrorizua ata.
Për t’iu bërë me dije prezencën në fshat, xhandarët serbë ndezin zjarr gjatë natës dhe të pajisur me armatim u kanë futur tmerrin 3200 banorëve të këtij fshati, shkruan gazeta Zëri.
Xhandarmëria serbe hyn e del kur t’i teket në territorin e Kosovës kurse askush nga institucionet e vendit nuk ka shkelur këmbën atje përkundër terrorit që janë duke përjetuar këta banorë çdo ditë atje.Tash 14 vjet nga çlirimi i Kosovës dhe pesë vjet që nga Shpallja e Pavarësisë dhe shtetësisë 3200 banorët të cilët po jetojnë nën tytat e xhandarmërisë serbe, janë lodhur dhe tashmë kanë nisur të shpërngulen. Ata janë duke e parë se Institucionet shtetërore kanë neglizhuar dhe po neglizhojnë sigurinë e jetës të banorëve të këtij fshati.
Askush nga përfaqësuesit e shtetit nuk ka vizituar banorët.