Një konflikt u shënua në Tiranë, në zonën e Mulletit.
Xhaxhai vrau nipin e tij pas një sherri.
Autori i krimit, Besim Hoxha qëlloi me çifte nipin e tij, Hasanin, i cili është dërguar në gjendje të rëndë në Spitalin e Traumës.
Por vetëm pak pasi mbërriti në spital, ai ndërroi jetë.
Ndërkohë pasi ka qëlluar mbi nipin, Besim Hoxha ka qëlluar edhe mbi veten.
Ai ndërroi jetë më vonë në spital, duke e çuar në dy numrin e viktimave nga kjo ngjarje e rëndë.
Xhaxhai ishte 65 vjeç dhe nipi i tij 25 vjeç.
Vrasja mendohet për motive pronësie.