13.8 C
Prizren
E enjte, 28 Mars, 2024

Ylli shënon fitoren e 10-të, mposht me rezultat të thellë Prishtinën

Golden Eagle Ylli ka fituar derbin e javës, duke mundur Sigal Prishtinën me rezultat 71:51, në xhiron e 16-të të Prince Caffe Superligës.

Kjo ishte fitorja e dhjetë radhazi për therandasit pas katër humbjeve radhazi.

Therandasit e nisën ndeshjen më mirë, dhe që në fillim kishin epërsi deri në shtatë pikë, 12:5, kurse çerekun e parë e fituan 14:10.

Periudha e dytë ishte kryesisht e barabartë me vendasit që kishin epërsi deri në tetë pikë, ndërsa pjesa e parë përfundon 32:26.

Dallimi i madh dhe vendimtar u bë në periodën e tretë, ku kampionët u shkëputën edhe më tej dhe ngritën epërsinë, ndërsa shifrat pas 30 minutash ishin 52:35.

Në dhjetë minutat e fundit, Ylli ruajti epërsinë e krijuar, ndërsa prishtinasit nuk arritën të bëjnë rikthimin e dëshiruar dhe kampionët me 20 pikë dallim, 71:51.

Te Ylli më i miri ishte Bashir Ahmed me 21 pikë e nëntë kërcime, kurse te kryeqytetasit Dustin Thomas realizoi 17 pikë e gjashtë kërcime.

Ylli ka dhjetë fitore e katër humbje, ndërsa Prishtina dhjetë fitore e pesë humbje. /Albanianpost.com

Më Shumë

Familja e 71 vjeçarit të vdekur akuzon urologun në Prizren për neglizhencë

Urologu Fatos Shukriu është duke u hetuar nga Prokuroria Themelore në Prizren për veprën penale “Trajtimi i pandërgjegjshëm mjekësor”. Kjo pasi që familja e...

Libri i pashkruar i Petro Markos

Nga: Lazër Stani Dy ose tri javë nuk e takova më Petron (Marko) edhe pse dilja pothuajse çdo mbrëmje nga Kafeneja e Gazetarëve. Nuk e...

Lajmet e Fundit