Marrëveshja e Kosovës dhe Malit të Zi për shënimin e vijës kufitare pritet që shumë shpejt të dërgohet në Kuvendit e Republikës së Kosovës. Por kjo marrëveshje duhet që së pari të kaloj te deputetet e Komisionit për Punë të Jashtme, Diasporë dhe Investime Strategjike.
Kurse mbledhja për demarkacionin ende nuk është caktuar nga Kryetarja e këtij komisioni, Vjosa Osmani. Kështu ka thënë për Indeksonline anëtari i Komisionit për Punë të Jashtme, Diasporë dhe Investime Strategjike, Zafir Berisha. Sipas tij ky komision e vlerëson punën e zotit Mulliqi dhe nuk mbështesin versionet që e dëmtojnë sovranitetin e vendit.
“Në komision ende nuk është caktuar mbledhje sepse Kryetarja e Komisionit e cakton mbledhjen por sido që të jetë ne e kemi qëndrimin ton. E vlerësojmë punën e zotit Mulliqi dhe këtij komisioni natyrisht dhe nuk e mbështesim versionin i cili tashmë publikisht dihet që e dëmton sovranitetin e vendit” tha Berisha.
Ndryshe, qeveria Haradinaj e ka mbështetur raportin e zotit Bulliqi dhe ka dhënë ‘sinjal pozitiv’ për dërgimin e tij në Kuvend./Indeksonline/