Deputeti nga radhët e NISMA–s, Zafir Berisha, ka komentuar rrjedhën e protestes së sotme. Ai, në llogarinë e tij në Facebook, thotë se protesta masive e qytetarëve kundër Qeverisë anti-kushtetuese ishte mesazh i qartë që, sipas tij, filloi fundi i kësaj Qeverie esatiste.
Eskalimi i protestës, sipas Berishës, ishte inskenim i Thaçit dhe Mustafës.
“Protesta masive e qytetarëve kunder Qeverisë antikushtetuese ishte mesazh i qartë që filloi fundi i kesaj Qeverie esatiste”, ka shkruar Berisha.
“Isa e Hashimi inskenuan një situatë jo shumë të kendshme pas shpërndarjes së dhjetëra mijëra qytetarëve se gjëja opozita është e interesuar ta rrëzoi Qeverinë me dhunë. Por skenarët që po shihen momentalisht përmes televizorit në rruget e Prishtinës, qytetarët janë të bindur që ky është skenar i kësaj Qeverie të turpshme e cila me ç’do kusht po mundohet të qëndroj në pushtet edhe për kunder shkeljeve kushtetuese”.
“Shihemi javën e ardhshme për të vazhduar atë që e filluam sot!” /PrizrenPress.com