Deputeti i Nismës Socialdemokrate, Zafir Berisha ka kërkuar konsensus që Kuvendi i Kosovës të mos shpërndahet para se të miratojë edhe 50 projektligje që kanë mbetur në sirtarët e këtij institucioni.
Në profilin e tij në “Facebook”, ai ka shkruar se miratimi i këtyre ligjeve nënkupton edhe arsyetimin e shumave të mëdha financiare që janë shpenzuar gjatë punës që është bërë deri te leximi i dytë.
“Para se me u shpërnda Kuvendi i Kosovës pas situatës se re të krijuar nga dorëheqja e Ramushit, është mirë të gjendet një konsensus politik dhe të miratohen mbi 50 ligje që kanë mbetur në sirtarët e Kuvendit. Miratimi i këtyre ligjeve nënkupton edhe arsyetimin e shumave të mëdha financiare që janë shpenzuar gjatë punës që është bërë deri te leximi i dytë”, ka shkruar Berisha