Një gaforre me “gëzof” u zbulua afër brigjeve perëndimore të Australisë, e kjo gaforre u emërua sipas anijes Beagle, me të cilën Charles Darwin lundroi anembanë botës.
Specia e re, Lamarckdromia Beagle, i përket familjes Dromiidae, që ndryshe njihen si familje e gaforreve
Krustacet e përdorin sfungjerin e detit dhe ascidianët për mbrojtje. Ata i “shkurtojnë” këto krijesa duke i përdorur kthetrat e tyre dhe pastaj i vendosin ato si kapele, transmeton Telegrafi.
Dr. Andrew Hosie, përgjegjës për krustacët dhe krimbat në Muzeun e Australisë perëndimore, tha se gaforret shpuzore kishin këmbë të pasme që ishin përshtatur posaçërisht për mbajtjen e “kapelave” të tyre.
“Sfungjeri ose ascidiani vazhdon të rritet dhe të formohet në shpinën e gaforres, nuk ngjitet asnjëherë, por e merr formën e kapelës që përshtatet mjaft mirë në kokën e gaforres”, tha tutje Hosie. /Telegrafi/