Këshilli Drejtues tani ka zgjeruar listën e kandidatëve të mundshëm të UP-së edhe me tre emra të tjerë, Myzafere Limani, profesoreshë në Fakultetin Teknik, Anton Berishaj, profesor në Fakultetin Filozofik, dhe Qëndrim Gashi, profesor në Fakultetin e Shkencave Matematikore. Kryetarja, Islami, ka thënë se të propozuarit nuk dinë asgjë për këtë ofertë, ajo do t’u bëhet prej tani
Myzafere Limani, profesoreshë në Fakultetin Teknik, Anton Berishaj, profesor në Fakultetin Filozofik, dhe Qëndrim Gashi, profesor në Fakultetin e Shkencave Matematikore, janë tre emrat e rinj që janë propozuar për kandidatë të mundshëm si ushtrues detyre(u.d.) të rektorit të Universitetit të Prishtinës, shkruan Koha Ditore.
Këto propozime janë nxjerrë të mërkurën pasdite, gjatë mbledhjes që ka mbajtur Këshilli Drejtues i UP-së, ku pritej se do të emërohej u.d. i rektorit, pasi që Senati i UP-së veç kishte dërguar dy propozime për këtë post, Abdullah Zejnullahun dhe Naser Zabelin..