Një shtetas i Turqisë është arrestuar në Prizren.
Ai dyshohet për vjedhje.
Zëdhënësi i Policisë në Prizren, Shaban Osmanollaj, tha se i arrestuari M.B. nga Turqia është futur me forcë në objektin e kompanisë për transfer të parave “Ria”.
“Rreth orës 09:50 minuta i dyshuari ishte futur në objektin ” Ria”, duke grabitur me forcë mbi 3000 euro”, tha Osmanollaj, transmeton TV Prizreni.
I dyshuari i ka shkaktuar lëndime trupore edhe pronarit të “Ria”-s.
“Pasi kemi marrë informacionin, policia është vënë në ndjekje të autorit, duke e arrestuar”.
Zëdhënësi Osmanollaj, tha se i dyshuari ishte futur në vendin tonë me datën 10.03. 2020 dhe dyshohet edhe për një rast të vjedhjes në Prishtinë.
Pas arrestimit, i dyshuari, është dërguar në objektet të mbajtjes të policisë .