Kryetari i Komunës së Prizrenit, Mytaher Haskuka sot së bashku me drejtorin e Drejtorisë së Shërbimeve Publike, Osman Krasniqi inspektuan nga afër punimet e asfaltimit të rrugës “Fahredin Hoti”.
Me këtë rast, Haskuka deklaroi se gjatë dy viteve të fundit në këtë rrugë ka përfunduar edhe ndërtimi i rrjetit të ujësjellësit në gjatësi prej 2,694 metrave dhe ndërtimi i kanalizimit atmosferik dhe fekal në gjatësi prej 1100 metrave.
Duke e vëzhguar mbarëvajtjen e punimeve, kryetari Haskuka theksoi se në fazën e fundit të projektit të tretë, punimet po vazhdojnë me asfaltimin e rrugës në gjatësi prej 650 metrave, instalimin e rrjetit energjetik nëntokësor, ndërtimin e trotuareve në të dyja anët, si dhe instalimin e ndriçimit publik.
Po ashtu, Haskuka theksoi se pas përfundimit të shtrimit të asfaltit, Komuna do të vazhdojë të investojë edhe në rrugët anësore që lidhen me këtë lagje./PrizrenPress.com/