Komuna e Suharekës ka njoftuar se pastrimi dhe mirëmbajtja e rrugëve janë prioritet i kryetarit të kësaj komune, Bali Muharremaj.
Rruga nga drejtimi i Prizrenit deri në Shtime është rrugë shumë e qarkullueshme, andaj kryetari Muharremaj ka bërë thirrje për kujdes ndaj kësaj rruge.
“Në tërë territorin e Komunës së Suharekës në Magjistralen Prizren-Shtime po bëhet sot pastrimi nga mbeturinat. Kërkojmë nga të gjithë ruajtjen e ambientit, e sidomos nga vozitësit që të mos hedhin mbeturina nga makinat e tyre. Në të kundërtën ne obligohemi të veprojmë sipas ligjit”, citohet të këtë thënë Muharremaj.