Kandidati i PDK-së për kryetar të Malishevës,Isni Kilaj ka shpalosur programin e tij në fshatin Balincë, Llozicë dhe Vërmicë. Ai tha se në katër vitet e ardhshme do të realizojë edhe shumë projekte të të tjera. “ Projektet tona e kanë përkrahjen edhe nga kryeministri i Kosovës, Hashim Thaçi”.
“Ne kemi kaluar fazën e nevojave të domosdoshme, duke rregulluar infrastrukturën, si shkolla, rrugë, ujësjellës, kanalizime, por tani ka ardhur koha që të fokusohemi në zhvillimin ekonomik, për çka kemi projekte korrekte, përmes se cilave krijohen kushtet për zhvillim ekonomik dhe hapje të vendeve të reja të punës”.
Banorëve të Balincë, Kilaj, iu premtoi rregullimin e trotuarit përgjatë rrugës që qon në shkollën e fshatit, ujësjellësin dhe infrastrukturën përcjellëse përgjatë autostradës që tash kalon nëpër Balinëc.
Ndërsa për Llozicën, Kilaj premtoi se fushatën e ardhshme, do ta bëjnë në Palestrën Sportive të shkollës, e cila do të ndërtohet, pa anashkaluar investimet tjera.
Në Vërmicë, përveç shkollës, që tashmë është para përfundimit, premtoi përfundimin rrugëve e kanalizimit në çdo lagje. /PrizrenPress.com/