Mostrat e anëtarëve të familjes së gruas së infektuar nga Korisha, kanë dalë negativë.
Kryetari i Prizrenit, Mytaher Haskuka, ka thënë se ky është një lajm i mirë.
“Sapo u informuam nga Instituti Kombëtar i Shëndetësisë Publike të Kosovës që 25 mostrat që janë marrë nga familjarët dhe kontaktet e gruas nga Korisha, kanë dalë negative”, shkruan Haskuka.
“Pra, sot nuk ka infektime të reja nga virusi COVID-19 në Komunwn e Prizrenit”.
“Ky është një lajm shumë i mirë, por sidoqoftë nuk duhet të relaksohemi ngase simptomat e virusit COVID-19 mund të shfaqen pas 2 jave”.
“Prandaj, ftoj qytetarët që të vazhdojmë t’i përmbahemi masave ashtu siç kemi bërë deri më tani!”./PrizrenPress.com/